Neele Ghode Ra Aswar lyrics Maharana Pratap

 

Neele Ghode Ra Aswar Maharana Pratap Lyrics

 

Image source : udaipurwebdesigner.com

नीले घोड़े रा असवार म्हारा मेवाड़ी सरदार
राणा सुणता ही जाजो जी


राणा थारी दकाल सुणनै अकबर धूज्यो जाय
हल्दी घाटी रंगी खून सूँ नाळो बहतो जाय
चाली मेवाड़ी तलवार बैग्या खूना रा खंगाळ
राणा सुणता ही जाजो जी


चेतक चढग्यो हाथी ऊपर मानसिंह घबराय
भालो फेंक्यो महाराणा जद ओहदो टूटयो जाय
रण में घमासान मच वाय बैरी रणसू भाग्या जाय
राणा सुणता ही जाजो जी


झालो गयो सुरगा रे माही पातळ लोह लुहाय
चेतक तनसू बहे पनाळो करतब बरण्यो न जाय
म्हाने जीवा सु नही प्यार म्हाने मरणो है एक बार
राणा सुणता ही जाजो जी


शक्तिसिंह री गर्दन झुक गई पड्यो पगा में आय
प्यार झूम ग्यो गले लूम ग्यो वचन ना मुण्डे आय
दोनूं आंसूड़ा ढळकाय बां री बाहां कुण छुड़वाय
राणा सुणता ही जाजो जी


नीले घोड़े रा असवार
म्हारा मेवाड़ी सरदार
राणा सुणता ही जाजो जी
मेवाड़ी राणा सुणता ही जाजो जी