Marad Kasumbal Rang Chade Lyrics - Gujarati Patriotic Song

 રણશીંગા વાગે સુતા જાગે કાયર ભાગે કામ પડે,
ધગ ધગતી ધરતી ફોજુ ફરતી વિનાશ કરતી તેગ વડે,
જનનીના જાયા કવિએ ગાયા લોક વિરલા કોક જડે,
મેદાને મરવા અવસર વરવા મરદ કસુંબલ રંગ ચડે–
જીય મરદ કસુંબલ રંગ ચડે

ધગધગતી ધારા, તોય બહારા, પાકે બહારા પોબારા,
ધરતી ગાજે, કાયર ભાગે, હાંકે દેતા, હોંકારા,
જનનીના જાયા કવિએ ગાયા લોક વિરલા કો’ક જડે,
મેદાને મરવા,અવસર વરવા, મરદ કસુંબલ રંગ ચડે.
જીય મરદ કસુંબલ રંગ ચડે

ઝવેરચંદ મેઘાણી

Sinh Nu Chapakhru Lyrics - Gujarati Sapakhru Poem by Zaverchand Meghani

 સિંહનું સપાખરુ

Sinh Nu Chapakhru (સિંહનું સપાખરું) is a famous Gujarati sapakhru (heroic poem) that describes the fierce and powerful nature of a lion. Sapakhru is a traditional form of Gujarati oral poetry known for its bold, energetic rhythm. Below are the full lyrics in Gujarati script.

પંજા નાંખતો આવિયો સિંહ ડાલામથ્થો કાળઝાળ,
દાઢાળો હાલિયો દેતો ડુંગરા ડણક,
હાથીઆં મૃગરાં ઝુંડ ભાળીયાં પૃથીરે માથે,
લાગીયા, કેતારાં કેતાં કરે નાં બણક.

ભુહરી લટાળો,અતિ ક્રોધ વાળો, કોપ વાળો,
ઢાળે નશાં મોટ ઢાળો, કરતો હુંકાર,
સાંધે ફાળ વિકરાળ, કાળહંદો જાણે કાળ,
ચૂકે નહી એક થાપે, સાંધીયો શિકાર.

ધરાણો રોષ ન ધરે, ભુલથી ન પાછાં ભરે,
લાંઘણ્યો હોય તો કદી ખાય ન અખાજ,
છેતરી પેંતરો બાંધી કરે ન શિકાર કો’દી,
અટંકો ફેફરાં ફાડે કેહરી અવાજ.

વિરતાને વરેલા છે, ધીરતા ગંભીરતા ને,
સ્થિરતા ન છોડે એવા કુળરાં પ્રમાણ,
ગીરરાં કંઠીર કરું કવી કે ‘વખાણ કે’તાં,
ઘુમંતાં તાહરાં ટોળાં કરે ઘમસાણ.

Bhali Vendari Katari - Katari nu sapakhru

 કટારીનું સપાખરું

ભલી વેંડારી કટારી, લાંગ! એના દી ફળાકા ભાણ!
⁠સંભારી ક્યારી માંહી હોવ'તે સંગ્રામ.
હેમજરી નીસરી વનારી શાત્રવાંકા હિયા
⁠અજાબીઆ માગે થારી દોધારી ઇનામ! 

પઢ્ઢી અઢ્ઢી આખરાંકી જમ્મદઢ્ઢી કઢ્ઢા પાર
⁠ધ્રસઢ્ઢી શાત્રવાં હૈયે રાખવા ધરમ.
બંબોળી રતમ્માં થકી કંકાળી શી કઢ્ઢી બા'ર
⁠હોળી રમી પાદશારી નીસરી હરમ! 



આષાઢી બીજલી જાણે ઊતરી શી અણી બેરે,
⁠મણિ હીરાકણી જડી નખારે સમ્રાથ;
માળીએ હો મૃગાનેણી બેઠી છત્રશાળી માંય,
હેમરે જાળીએ કરી શાહજાદી હાથઃ

કરી વાત આખયાત, અણી ભાત ન થે કણી
જરી જાળિયામાં તરી જોવે ઝાંખ ઝાંખઃ
શાત્રવાંકા હિયા બીચ સોંસરી કરી તેં જેસા,
ઈસરી નીસરી કે ના તીસરી શી આંખ!